रामशरण सेढाई – माया साट्दा
(नेपाल साप्ताहिक ३९९)
माया साँट्दा तिमीसँग मुटु साँटिएछ
फिर्ता मागूँ भनी खोज्दा मनै भाँचिएछ
माया साट्दा तिमीसँग मुटु साटिएछ…
धेरै प्रयास गरे पनि जोड्न सकिएन
चोट लाग्यो हृदयमा मेट्न सकिएन
माया साट्दा तिमीसँग मुटु साटिएछ…
टाढिएको जस्तो लाग्छ सपनीमै पनि
आँखा बस्छन् प्रतीक्षामा कहिले देखूँ भनी
माया साट्दा तिमीसँग मुटु साटिएछ…
मैले जान्न सकिनँ कि तिम्ले भुलेकी हौ
तिमी साँच्चै हरायौ कि कतै डुलेकी छौ
माया साट्दा तिमीसँग मुटु साटिएछ…