Nepali Rachanakar Kavi Sarubhakta

Sarubhakta – Time Bomb Mathi Baseko Desh

देश मृत्यु शैयामा छ
माफ गर, यो कुनै समाचार होइन
सुनाखरी नफुल्ने देश
धतुरीमैयाहरु बेचिएका छन्
भ्याकुमक्लिनर जिन्दगीका हलसाराहरुमा
बाबुहरु भैंसीसित छोरी साट्दैछन्
मुहनोचवा – आतङ्ककारी कीराहरु
एन्थ्राक्स आतङ्क ग्रस्त छन्
ए हिमालका जुनकीरीहरु ! के हामी डाइमिथाइल
मर्करीका ताण्डवपूर्ण मिनामाता रोगका खाडीमा छौं ?
हाराकारीधुनः रक्तपिपासु जीन
झड्केला बिम्बहरुको सतीगएर
भाइसभर्साउत्सवः
वाढीपीडितलाई अग्निपीडितको सहायता
अग्निपीडितलाई बाढीपीडितको सहायता
वेलिपुलहरु टुटेका छन्
पिलोले थलिएका राजागजहरु
इन्टरनेटमा साइवर आमा र वेवसन्तानहरुका करतुत हेरिरहेछन्
टाइमवममाथि वसेको देश
सुनका मृगहरु लखेटिन्छन्
ए लौहभष्मपुरुषहरु ! के हामीसित परिकल्पित जिन्दगीमात्र
वचेको छ ?
साटिएका आकाशहरुः थाकेका बिम्बहरु सिर्जना गर्छन्
छापामार आत्माहरु राष्ट्रिय तस्करी उद्योगहरुमा
कर्मचारी बोक्ने एम्वुलेन्स निर्माण गरिरहेछन्
लघुमानवहरुको वस्तीः खप्परहरुको जुलुस चलेको छ
आजभोलि मृतहरुको हत्याकाण्ड रचिदैनन्
त्यसैले एनटीसियसका शवपरीक्षा विधिहरु चल्दैनन्
संविधान कोमामा छ ?
त्यसोभए आउ, हटेरुहरुको भीड चिरेर
हुस्सुप्रदेशतिर प्रस्थान गरौं
विस्फोटक ताराहरु र च्याखुरे लेक
काकाकुल जिन्दगीका आइकनहरु
यहाँ प्रत्येक मान्छेभित्र एउटा तानाशाह वसेको हुन्छ
अभागी देशः जनताहरु सबै मरिसकेका छैनन्
ए ! उनीहरुमात्र किन सजिलैसित मरी ÷ मारिइ
भाग्यमानी बनेका छन् ?

Sarubhakta – Pida Ka Yaam Haru

मायामन्दिर
ढुङ्गाका मनहरु रोएर
हामी समयका प्रायोरीहरु निर्माण गरिरहेका छौं
जिन्दगीका त्रासदीगाथाहरुमा
नरभक्षीहरुको अवतरण छ
पीडाका यामहरु टेकेर भगुवा विश्वासहरु
ज्वालामुखी पर्वततिर लागे
जाउँ, वसाईं सरौं अन्तरिक्षतिर
अहिले नेपालमा बस्नु ठीक छैन
वेवसाइटमा थोत्रिएको देश
सभ्यताका जंगलहरु आवाद छन्
आह ! अहिले हामी हिमाल होइन
हिमालको छाँया आरोहणमा व्यस्त छौं
गेलापेगस टापुका वासिन्दाहरु
व्यर्थ देशका व्यर्थ सम्वेदना वाँच्दैनन्
किन हामी जिन्दगीको मृतसागरमा
पूरै जीवित छौं ?
जिन्दगीको स्पेक्ट्रमः रङ्गहरुले धोखा दिन्छन्
नाथे जिन्दगी – जिन्दगीको अर्थ
खोज्दाखोज्दै सकिदोरहेछ
रछ्यानका स्वर्गहरुः कोकशास्त्रीय हेराइहरुमा ठोक्किन्छन्
आह प्रेम ! रोष्टपरी झुण्डिएका छन्
जिन्दगीका यौन बजारहरुमा

Sarubhakta – Tandav Nritya

स्वप्नसम्वोधिः विवर्तित वाँदरहरु
वमका गिदीहरु बोकेर
माधे सक्रान्तिको मेला भर्छन्
ढुङ्गे साँघुतिर
फाटेका धर्तीहरु
जिन्दावाद !
तुहिएका युगहरु
परावैजनी स्पर्शहरुमा
ओजन छिद्रित छन्
धमिराका जनप्रसादतिर
कमिलाहरुले धावा बोलेका छन्
काँचुलीमा हराएका जिन्दगीहरु
हुस्सुका सुरुङ्गभित्र
भोका अजिङ्गरहरु जन्माइरहेछन्
हिमालहरुको देशः ताण्डव नृत्य चलेको छ
ढाड भाँच्चिएका पहाडहरु
वसिवियाँलो गर्दैछन् –
‘हामी कहाँ एटना र भिसुभियसहरु छैनन
त्यसैले मान्छेहरु विस्फोटित छन् !’
अग्रिम युद्धमोर्चाः मनका प्रक्षेपाश्त्रीय भूमिहरु
आउ, हिमालका आँसुहरु पिएर
फोसिल उत्खनन् गरौं
शुम्भ निशुम्भका
किरातार्जुनीय तपोभूमिः छलनाहरु वर्जित छन्
आउ, हाकाहाकी मनको खेती गरौं
मान्छेको आधा मन देउताको जीउमा छ
आधा मन राक्षसको जीउमा छ
प्रकोपप्रकृतिः किन जिन्दगीको गतिलो पाठ वन्दैन ?
यहाँ जड पदार्थहरु दङ्ग छन् किन
चेतनपदार्थहरु वर्गीकृत छन् ?
सक्रान्तिप्रतीक्षाः वनवास गएका राजनीतिहरु
हेर, हामी नक्सा देशका बासिन्दाहरु
नक्सा देशमा मरिरहेका छैनौं
अन्ततोगत्वाः देश कस्ले विगा¥यो ?
कुम्भकर्णहरुले देश विगार्दैनन् ।

Sarubhakta – Nepal Kam Nepal

कालो चट्याङ्गः पीडाका खरपसहरु दुखेर
जीवनका मृत सागरमा
म रोलर कोस्टरका सपनाहरु देख्दैछु
ढापसुङ वस्तीतिर
कठपुतली आत्माहरु
साइवरयुगीन ‘किस्.कम्’ नाट्यरचना गर्दैछन्
संघात तरङ्गः दन्दनाउँदा रथहरु
भुत्याहा Continue reading “Sarubhakta – Nepal Kam Nepal”

Sarubhakta – Samprati Mrityu Utsab Haru

जिन्दगी
एस्–ट्रेभित्रका विद्रोहहरु
ताप्केबाट उम्कन खोज्दा भुङ्ग्रोमा
शुभ–साइत दुर्भाग्यहरुको
च्याउको रुख चढ्दै
गलगाँड सुन्दरीहरु रगतको नदीमा
माछामार्दै छन्
वन्दी प्रत्यक्षीकरण रिटः मिसिलविना
औद्योगिक जोगीहरु सुरुङभित्र धरहराहरु
उत्पादन गर्दैछन्
अवशिष्ट गौरवगाथाः जाउँ वरु भाडाका
टट्टु वनी विक्नलाई
हामीसित देशमा वालसैन्य छँदैछ
काञ्जीहाउस इफेक्टः सन्निकट शनीका घेराहरु
टेलिस्कोपमा आँखालाई हेर प्रत्यक्षकृत
हुनेछन् – अन्तरिक्ष गोरुगाईहरु
ग्रामिण महाभारतः एउटा सिङ्गो जाती
देश छोडेर कता जाँदैछ ?
सम्प्रति मृत्यु उत्सवहरुमा के जिन्दगीका
भाउ लाइदैछन् ?
जिन्दगीको हाटबजारः सस्ता बमहरु विक्रीमा छन्
के गर्ने, रानीपोखरीहरु देखिन्छन्
आँसुपोखरीहरु देखिदैनन्
द सेकेन्ड सेक्स – भाइटल नापका विस्फोटनहरु
किन एउटा सिङ्गो मानवमा
गुणसुत्रहरुमा विभाजित छ ?
नकरा !
कति ‘बुद्ध ! बुद्ध !’ कराइरहेको
आजभोलि बुद्धभन्दा कम्प्यूटरहरु
ज्ञानी छन् ।

Sarubhakta – Sashakta Aina Haru : Ragatka Nadi Haru

कालो कालखण्डः दिब्योपदेशका क्षतविक्षत आत्माहरु
कुहिरो दूर्घटित छन्
अनिदो मनको देश चितास्तम्भ जलेका छन्
खोई कहाँ लागे हाम्रा राष्ट्रनिर्माताहरु ?
सम्यताहरुको युद्ध: ढुङ्गा वर्सिने घरहरु
हेर ! हेर ! वाइबल हातमा लिइहिड्ने जुगाहरु
भागवत् व्यापारमा व्यस्त छन्
ब्रेनड्रेनः गुरुकुलीय व्यामोहहरु
हामी जीउमा मइलका कत्ला बोकेर सेतो
मत्स्येन्द्रनाथको महास्नानमा ब्यस्त छौं
भुरेटाकुरे भावुकता त्रिशंकुयुगीन धुपधवाँर
मस्तिष्कहरु मस्तिष्कहरुको युद्धमा छन्
विश्वलाई हामीले सम्वुद्ध दियौ
सट्टामा विश्वले हामीलाई डलर र येन दिदैछन्
राइटर बाजेः के हाम्रो सगरमाथा विदेशतिर विक्रीमा छ ?
हामी हरुवा तर वीर सत्रुका सन्ततिहरु
कुन आठपहरिया कमाण्डो जागिरमा छौं ?
आह ! अग्निपरीक्षाहरु अग्निपरीक्षामा छन्
यसर्थ आजभोलि देशमा शक्तिहरु हिड्छन्
नागरिकहरु हिड्दैनन्
सत्रुहरुको देश कहाँ छ ? त्यही जहाँ हामी
एकअर्काका मित्र छैनौं
देशमा नरसंहार चलेको छ त्यसैले आउ
सस्ता खप्परहरुका महङ्गा प्लान्चेट खेलौं
ए ! के सुरक्षामा छन् असुरक्षित सुरक्षाकर्मीहरु ?
जाउँ वरु खाडीतिरै, भविष्य भेटिन्छ कि ?
वेल्जियमबाट आयातीत सशस्त्र ऐनाहरु
हिमालवाट बग्दैनन् रगतका नदीहरु ।

Sarubhakta – Itar Samaya

मृत्युमहोत्सव
पीडाहरुको कोलाहल वगेर
आखेटिक विश्वासहरुमा
धुमकेतु उदाएको वेला
म हब्वलका आँखाहरुले हेर्दैछु
मान्छेका अन्तरिक्षहरु
उन्मीलित ताराहरुको देश
च्याउ फुलेका ब्रह्माण्ड वीथीभरि
किरणस्नान गर्दै
कुन जम्बालहरुमा चिप्लन्छन्
मेरा पयरका विश्वासहरु ?
म अन्धकूप अन्तरिक्ष पोखरीमा
माछामार्न हिडेको छैन
आह ! गिद्धहरुको दाहसंस्कार
अन्तरिक्ष अकाल धर्तीभरि
म सप्रसङ्ग षड्ऋतुहरुमा
आयामहरुको टोष्ट खाँदैछु
विगब्याङ्ग
विगब्याङ्ग
सुपरनोमा विस्फोटनका हल्लाहरु
कन्ट्रोल– सिद्धान्तहरुको लाममा
म कतै तानिएको छु
ब्लेकहोल – कृष्ण विवराकृत मनहरु
आफ्नै गुरुत्वपीडित छन्
यसर्थ सापेक्षिततामा नरभक्षी बाघ आतङ्कहरु
आफ्नै आतङ्कले उत्सवित छन्
इतर समय
अन्तरिक्षमा मनहरु हराएका छन्
अझैपनि म प्रेमका कविता खोज्न अभिशप्त छु

Sarubhakta – Surakchhit Awataran

आकाशका आँखाहरुले
आदम ब्रीजको खोजी
गर्दा नगर्दै
मैले आफैलाई खोजे
जिन्दगीको डुवानयुक्त वेवआइटहरुमा
उफ् ! साइवर क्याफेहरु
वम आक्रमण विध्वस्त छन्
म सुनौलीका नाकाभरि छारेरोगका
मुठभेडहरु पो भोग्दैछु
सुरक्षा Continue reading “Sarubhakta – Surakchhit Awataran”

Sarubhakta – Mithak Utkhanan Ra Sambodhi Ma Harayeka Buddha Haru

समय–संक्रमण
युगीन क्रान्तिका अभिछिन्न भ्रान्तिहरु
दुखेको वेला
किराँतचुलीतिर सलामाण्डरहरु
शिकार खेल्दै हिडे
जीवन अल्झेको छ
दुम्सीकाँडैमा
म प्रेमपत्रको मुठो वोकेर
‘यो जाती भागी हिड्दैन’ भन्ने
मिथक Continue reading “Sarubhakta – Mithak Utkhanan Ra Sambodhi Ma Harayeka Buddha Haru”

Sarubhakta – Jadoo

देश परिवेशः पुरातनपन्थी थकाइमा
मस्त निदाइरहेको बेला
एकथरी देशहरु
कालापहाड तर्फ लागेका छन्
मुटू कलेजो हराएर
बूढा सुब्बाका जोखनाहरु मूच्छित छन्
सर्वत्र विद्रोही र छापामारका कुरा
भूकम्पीय क्षतिका भविष्यवाणीसहित
आह Continue reading “Sarubhakta – Jadoo”

Sarubhakta – Kalo Mrityu Ra Mithakiya Awasad Haru

रातका आँखाहरुः अचानोपीडा ग्रस्त छन्
सिंहहरु कहाँ निर्दयी हुन्छन् ? सिकारलाई
कति चाटीचाटी माया गरीगरी खान्छन्
राष्ट्रिय गिद्धभोजः अडियल प्रजातिका नरवानरहरु
महान क्रान्तिका तुच्छताग्रस्त छन्
शरणार्थी देशका शरणार्थीहरु
धु्रुवीय अरोराका कवितारचना गर्दैछन्
कालोमृत्युः विभीषिकाका युद्धहरु
स्वप्नचित्र वीथीहरु निर्माण गर्छन्
खोई कहाँ हराए तारापद चौधरीहरु ?
प्रत्येक दिन हामी वुद्ध जन्माउँछौ वुद्ध वलि दिन्छौं
अप्सरा आधातः मेगावक् ईश्वरहरु
हाइटेक प्रेम प्रणयग्रस्त छन्
साइवरयुगका नचिकेताहरु
प्रेतवाधा फुकाउँदैछन्
सुदूर सम्वेदनः सातौ इन्द्रिय उपासनाहरु
गोस्टापो संक्रमण व्यस्त छन्
उप्m ! सहीदका मृत्युवरणहरु
आर कि पारका संगणनहरुमा
जिवरिस् भायरस ग्रस्त छन्
ए धनकुवेर दार्शनिकहरु कता लागे
खट्खट् खट्खट् काठका घोडाहरु चढेर ?
उ ! जन्मान्ध यायावरहरु
तेजाब छर्किएका मनहरु हाँस्दैछन्
लोहोरो पाक्यो ? खाने कि पकापक्
आह ! मिथकीय अवसादहरुमा
साङलेकीराहरुको आक्रमण जारी छ
दुर्भाग्यका परिभक्षकहरुः कुन दायर
रीटका निरीहताहरु सुन्दैछन् ?
गजव विश्व, रोटीबाबाहरु मुसालाई रोटी
ख्वाउँछन् मान्छेलाई दोटी ख्वाउँदैनन्
त्रासदी समयः दादा अमिनहरुका
पुरातन प्रजातिहरु
आउ, हामी जन्मजात कमाण्डोहरु
टर्सो टाइगरमा आइस्टाइन गिदीहरु
मांशल पारौं
किलर निमोनियाः ताराहरुको भीडमा
पृथ्वी हराएकी छ
यसर्थ नारावाजी गरौं – कुकुरमन्त्री कोडाहरु
जिन्दावाद !
जिन्दावाद !
जिन्दावाद !

Sarubhakta – Darun Nadi Ra Himal

साइवरपीडाः तारकयुद्ध सञ्जालहरु
जिन्दगीका मिथकयात्राभरि छन्
खोई कहाँ हराए हाम्रा स्वनामधन्य ख्रिचुङ
र आनिकहरु ?
अफिमखेतीः च्वेस्याङ र फाहियानहरु
श्रापित विरुपाक्ष भूमितिर
आजभोलि वाढीग्रस्त छन्
मितेरी साँधुहरु
ए ! के भईरहेछ प्लाजा डि टोरोसतिर ?
आजभोलि हामी हिँसाहरुको उपासनामा व्यस्त छौं
फरार मानवता – पतझडका वैसहरु बोकेर
वख्तरवन्द प्रजातिः खिया लागेका न्यूरोनहरु संरचना गर्छन्
मानव वंशवृक्षमा अद्यावधि जीवित छन्
महान कपिश्वरहरु
नेपोला निपार निपर नेपाल
भूपरिवेष्टित आँसुका सरोवरहरु
जहाँवाट बग्छन् दारुण नदीका
महापीडाहरु
साँग्रिला सम्वोधिः फालाफाल रुप्सेहरु
खोई कहाँ छन् साँढेम्यागुताका
आतङ्कहरु ?
शङ्कास्पद नेपालीहरु शङ्कास्पद नेपालीहरुको खोजीमा छन् …
कस्ले बुझ्नसक्छ, संसारको सवैभन्दा शक्तिशाली भूँडीवम
यहाँ उहिल्यैदेखि विस्फोटित छ !
उः ! हाम्रा हिमालहरु कति आग्ला छन्
हामी किन यति होंचा छौं !

Sarubhakta – Akalpaniya Desh Ko Yatra

‘के इतिहास
चक्रीय सिद्धान्तनिष्ठ छ ?’
पुनरावृत्तिमा लिगलिगकोटे युगहरु
प्रतिश्पर्धा दौडमा छन्
छुमन्तर ! गोर्खाली जिनका रसायनिक भाषाहरु
खोई हुस्सुले छेकेको घाम
कहाँ ‘ब्रेनड्रेन’ भई हिडेको छ ?
युग वदलियोः हामी एक अकल्पनीय
देशको यात्रमा छौं
कायरहरु धेरैपल्ट मर्छन् हामी बहादुरहरु
एक एकपल्ट मर्दैछौं – ‘ भटटटटटट ….’
को मूर्ख ? वर पाउने भष्मासुर कि
वरदिने महादेव ?
गुहेकीरालाई गुहेकीरा के भन्नु
ती स्वर्गीय नर्कका वासिन्दा हुन्
युगीन आवश्यकताः आजभोलि घाँटीमा क्रश
टाँगिन्छन्, क्रशमा यशूहरु टाँगिदैनन्
नाथुरामहरु कहिल्यै गान्धी बन्दैनन्
गान्धीहरु भकाभक नाथुराम बन्दैछन्
ए ! देशमा सवै बहुलाएको वेला
त्यो मान्छे किन सद्दे कुरा गरिहिड्छ
वेफ्वाँकमा ?
हिउँदेयाम
आउ मौकाको घाम तापौं
अनि कत्लापरेका फोहोरहरु सुकाऔं !

Sarubhakta – Asthi Pahad Ra Gilo Brihaspati

गुर्खा न्यूरोनः साइवर स्वस्थानी जात्राहरु
पञ्चवलिका वाजाहरु बजेका छन्
रिकुटेजात्रा – खोइ कहाँ हराए खलङ्गाका
श्वाभिमानहरु ?
मुखुण्डोहरुको जुलुस
अस्थि–पहाडमाथि उभिएर
चेसवोर्डका गोटीहरु चलेका छन्
ए, Continue reading “Sarubhakta – Asthi Pahad Ra Gilo Brihaspati”

Sarubhakta – He Barai

सरुभक्त – हे बरै

म अग्निपर्खाल चढेर
संसदीय चोरबाटासम्म आइपुगेको छु
वायोनिक – यान्त्रिक माछाहरु
रोयल डिस्कोका भिडन्तहरु
आउ, मुखमा सुइरो रोपी हिडौं
सांघातिक आक्रमणहरु सामान्य छन्
वेरुजुमा परेको देशः कथित वन्दहरु खुल्ला छन्
हामी मिशनरीहरुका मिशनहरु
देशमा के–के अफापसिद्ध भएको छ
फापसिद्धहरु ?
हुइयाँ ! हुइयाँ !
हामी ऐतिहासिक डार्विनवादीहरु
राजाको काम कहिलेजाला घामवाट
जनताका काम सवै मेरो मामतर्फ
विवर्तित छौं
अँधियाँ जिन्दगी ः खोई के गर्दैछन् जिव्रो
काटिएका भक्तराजहरु ?
थुक्क नियती ! धेरै भएपछि अग्निपरीक्षापनि
पानीपरीक्षा हुन्छ हौ
संकटग्रस्त इजलासः टाउकाका ताराहरु सस्तै छन्
जाउँ, छापामार तालिमगर्न
खेतमा मुसाहरुको विगविगी छ
‘जिमजाने होइन सोम के हत्याहिंसा पढिरहेको !’
यो कुरा स्वयंसिद्ध छः पृथ्वीमा शोषणको
अन्त्य हुँदैन शोषणको रुपमात्र फेरिन्छ
हे बरै झलकमान !
कस्ले पो सोध्लिन् र खोई को–को
के–के भन्लिन् ? …

Sarubhakta – Akash Deep

सरुभक्त – आकाशदीप

जीवन अटोप्सी
त्रासद समयका गाथाहरु
प्रत्येक दिन प्रत्येक रात
विग ब्याङ घोषणाहरुको देशमा
बोक्सी घोषित आमाहरु
छोराहरुबाट गु–मुत ख्वाइएका छन्
ब्लेकहोलका आलोक
बिचरी श्रीषाहरु हराए साता गुरुत्वाकर्षणका
साना पृथ्वीहरुझैं
हेर ! एड्सग्रस्त सूर्यहरु सेता÷काला
ड्वार्फहरुमा परिवर्तित हुँदैछन्
हाइपोथर्मिया ःजीवनका गीतहरु
वदिनी पीडा विहिन पुङमाङ कान्छाहरु
सधैं विदेशी पर्वतमहोत्सवहरुमा व्यस्त छन्
कोरा गर ! कोरा गर !
डोल्मा भञ्ज्याङ पार
क्याथल्यावका सम्प्रतिहरुमा ओहोरदोहोर छन्
मौन हत्याराहरु
बबलगम एले
जीवनका प्याङहरुमा कता हराए
हाम्रा स्पाइडरम्यानहरु ?
आजभोलि डाँफेबूढाहरु
सिसायाङमा हिमालहरुतिर वसाईसराईमा छन्
आह ! अल्पाइन शैलीका हातमोलाईहरु
भूगोलको एउटा मृतदेश
सम्बैधानिक व्याख्याहरुमा अलमलिएका छन् मलामीहरु
मेथमेटा–पानी हुँडार
प्रतिगमनका सन्त्रासहरु
खोई कुन क्षेप्यास्त्रवादीलाई सोधुँ
शान्तिको रङ्ग कस्तो हुन्छ ?
क्रायोनिक्स–सामुन्द्रिक ग्वालाहरु
गाँजाखेतीमा व्यस्त छन्
हेर ! लुब्रका जियोकोन्डाहरु सधै
वाङदेलप्रजातिका प्रतीक्षामा छन्
समय ः कफ्र्यू आदेश व्यस्त छ
म छातीमा जमरा उमारेर
कुन सिरेटो स्वप्नभरी आकाशदीप वलिरहेछु ?

Sarubhakta – Pizza

शव्दसमाधिः समाधिस्थ मनका टाइकुनहरु
अक्षरहरुका कोर्रालाएर
अजन्मा डाइनासोरसहरुको गीत गाउँछन्
घोष्ट डिटेक्टरः उपद्रयाहा जीनहरु
के रोहवरमा दीपेन्द्र सिन्ड्रोमहरु जन्माउँछन् ?
राक्षसी क्लोनका नेताहरु
छाडा देवताका विरासत धान्दैछन्
पाइथागोरसहरु ‘म्युजिक अफ द स्पेर’ मा मदमस्त छन्
उदाङ्गो छातीः लोपेजमुद्राहरु
कुन अस्पतालको टेविलमा चलिरहेछ
हेलिवन अप्रेसनहरु ?
पाइलापाइलाका गोमनहरु
नीलकाँडाका प्रेमहरुमा मस्त छन्
भयानक सौर्य विस्फोटन ?
आउ, उल्काहरुको भोगटे टिपौं
उ ! खलास परेको सम्वेदनशीलतामा
मन्त्रीहरु जनताहरुका मित्र्याँस फ्राई गरिखाँदैछन्
गीता हराएको जिन्दगीः बेचिएका चेलीहरुको राष्ट्रविद्रोह
भड्किएको छ
मुक्तकमैयाका राष्ट्रियताहरु जिन्दगीको शीतलहरमा
कठयाङ्ग्रिएको छ
देश मृत्युशैयामा छ सरकारहरु हनिमुनमा ब्यस्त छन्
आह ! ऐतिहासिक गोरुहरुले देशलाई पिज्जा खाए
पहाड जलेको छ, उपत्यका जलेको छ, तराई जलेको छ
अद्यापि कविहरु हिमालका गीत गाइरहेछन्
भ्रष्टाचार गर अनि अख्तियारको हाकिम वन
कुरै खत्तम
रोष्टपरेको जिन्दगीः हामी आपूmलाई खानेहरुको
छनौट गर्न कति स्वतन्त्र छौं ?
च्याङ्ग्रा महोत्सव भेंडाहरुको तजविजमा
लौ लुगाफुकालौं को बढी प्रजातान्त्रिक हुन सक्ने
कन्नैसित् !

Sarubhakta – Thyasafu

स्वप्नदैनिकीः चुङगुत्सुका सपनाहरु
डे जाभू एक्सपिरियन्सयुक्त छन्
स्वेच्छिक मृत्युधिकार
सायनाइडका नदीहरु वगेका छन्
माइटोकाड्रियाः दुगुर्णित गुणसुत्रहरु
क्रायो – केप्सुलहरुमा बन्दछन्
कस्लाई थाहा, हिमित Continue reading “Sarubhakta – Thyasafu”

Sarubhakta – Khatara

मृत्युपर्वत
हिमयुगदेखि हिमयुगसम्म
आफ्नै भारले नुहेका चुलीहरु
साइवरयुगीन महाभारत रच्दैछन्
अन् लाइन च्याट्का हिमावर्तनहरु
नियति सञ्जालग्रस्त छन्
चतुर्थ महाकल्पका आविर्भावहरुदेखि
किन मानवता एक अन्त्यहीन युद्धमा
होमिएको छ ?
हेर ! हेर ! जीवाष्महरु
वटिकाष्म उपकरण बोकी डायनासोरस र
महागजहरुको सिकार गर्दैछन्
ब्रिडिङ वल ः अभिलक्षित राज्योत्पति सिद्धान्तहरु
इतिवृत्तमा हराएका छन्
विकसित वन्यजीवन प्रजातिहरु
कुन भष्मासुर अहंकारमा व्यस्त छन् ?
युगीन पासो ः जिन्दगीका युद्धयात्राहरु
रेनेसाँ मनका अनेक धुमकेतुहरु छन्
शान्ति कहाँ छ ? भए जीवाणु÷विषाणुहरुको दुनियाँमा छ
माउन्ट फुजीदेखि किलिमाञ्जरोसम्म
खतरामा परेका जीवहरु छन्
आह ! खतरामा परेका ईश्वरहरु
अझैपनि ईश्वरहरु जन्माइरहेछन्
आउ, फराउनका पिरामिडहरु हेरौं
एथेन्सका पार्थिनोनहरु घुमौं
दासविद्रोहका लाभाहरु पिऔं
अनि ग्लेडियटर भई रोमको कोलोजियममा
एउटा वर्वर मृत्यु मरौं ….
आह ! धर्मयुद्धहरु
चीनको महान पर्खाल कहाँ छ
सिवाय मान्छेको मनमा ?

Sarubhakta – Ishwar Ballav Ka Aama Harule Atmahatya Garchhan

सुकुटीभेडाः चिलाएका गर्दनहरु
घिन्टीका माला उनेर हिड्छन्
जीवन सम्वेदना – त्यो राक्षसहरुको वस्तीमा
कहाँ हुन्छ ?
वन्द असिलेशनः टुकुचामा डुवेका धरहराहरु
तेत्सिमोकाई – स्वः ममीकरण वाँचेका छन्
शान्त जलका अशान्त गैंडाहरु
कर्मापाहरुको सिकार खेल्दैछन्
दुम्सीकाँडा सौन्दर्यः अनवरत् सृष्टि व्रह्माण्डहरु
प्रणयका स्वार्थहरुमा
यौन सफलता विमुक्त छन्
ग्यालिलियो – मनका टोड्काहरुमा
रातका आँखाहरु उँघेका छन्
वन्यजीवनः वालुवामन्तिरका विश्वहरु
मृत्युका खेलहरु मञ्चित छन्
नेता जीन – वचेरा भोक
आजभोलि हामी देश भाड्ने राष्ट्रिय
मेलमिलामा ब्यस्त छौं
इन्क्राइप्टेडः हारमोन्सका गीतहरु
अरोरा – ध्रूवीय प्रकाशमोह संरचित छन्
देशमा रगतको खोला बगेको छ
जाऊँ, विदेशतिर दोहोरी खेलौं
त्रासदीगाथाः एक असामयिक प्रश्न
‘देश कस्ले विगा¥यो ?’
ईश्वरवल्लभका आमाहरु आत्महत्या गर्छन्
पोइलो जाँदैनन्
उफ् !देश आमा हुन्
हामीमध्य को को विरुपाक्ष होइनौं
हाँ ?