Tag: Nepali Rachanakar Kavi Bibek Dulal Chhetri

विवेक दुलाल क्षेत्री “दमक” – उनीलाई सम्झेर मेरो शनदपत्र

खान्न खान्न भन्दा भन्दै पनि
खाइ सकेको छु मैले
प्यारी तिम्रो कसम ..!
जान्न जान्न भन्दा भन्दै पनि
घुमिसकेको छु मैले
प्यारी तिम्रो प्रेमको बगैचा..!!

एउटा जून आकाशबाट तल झर्छ
र रोज मलाई स्पर्श गरेर जान्छ
उ गएको हेरीरहन्छु
तिमीलाई देख्छु
उ आएको सम्झिरहन्छु
तिमीलाई भेट्छु

त्यो बेला
हेर्दिन हेर्दिन भन्दा भन्दै पनि
हेरी सकेको छु मैले
प्यारी तिम्रो चंचल अनुहार .

म एक पठ्ठो घाम
तिम्रो देहमा बिलिन हुदैछु
खुशीको दुनियामा ,तिमीसित हिडदैछु
अनि कालो ,सेतो ,पहेलो
र रातो रंग भएर पोतिदैछु
तिमी प्रतिको लगावले

यो क्षणमा
ढल्किन्न ढल्किन्न भन्दा भन्दै पनि
ढल्की सकेको छु मैले
प्यारी तिम्रो न्यानो काखमा.

अब अप्ठ्यारो नमानेस्
अब अपवित्र नठानेस्
प्रेम र स्मृतीको कन्चन साइनो लिएर
म फर्की सकेको छु अहिले
आफ्नै यथास्थितीको अधार शिबिरमा
आफ्नै दिनचर्याको ग्रामबेशीमा

तर अझै पनि भन्छु
यो सत्य हो कि
खान्न खान्न भन्दा भन्दै पनि
खाइ सकेको छु मैले
प्यारी तिम्रो कसम ..!
जान्न जान्न भन्दा भन्दै पनि
घुमी सकेको छु मैले
प्यारी तिम्रो प्रेमको बगैचा .

अस्तु :
दमक ,झापा
हाल :अबुधाबी ,यू ए इ .