दीपेश लामा (तामाङ) – सन्देश
युद्ध त होईन बुद्धको खोजमा
अल्मली रहेछु म नेपाली
संसार जित्ने सहास तिम्रो
भन के भो गोर्खाली
आज के भो गोर खाली
आँसुले होईन मलाई
मौनताको एकै क्षण त आभाष दिलाऊ
कलिला हातहरूलाई रगतले होईन
शान्तिको रंगले पोति देऊ
दुई आँखा तिम्रो ति नियाली हेर्ने
चार प्रहर तिमी हामीलाई
झुकाउँन सकुँ मेरो शिर
सधैंसधैं आशिर्वाद तिम्रो लिनलाई
क्रोधको प्रहारले होईन
मायाको दुई शब्द योग तिमी बनिदेऊ
जल्न सकुँ दिप भई
सधैसधै तिम्रो प्रकाशले
लेख्न सकुँ इतिहास फेरी
नयाँ एउटा शिसा कलमले