विवेक दुलाल क्षेत्री ‘दमक’ – प्रेमासित ..!
प्रेमा..!
तिम्रो प्रेम कहिँ लेखिएको छैन
उसको मूटूको पानामा पनी
उसको साँझ बिहानको दिन्चर्यामा पनि
बरू पर्खिन सक्छु उ
चुरोट सल्काएर महगो मोबाइल चलाउदै
माथ्लाघरे माइलीलाई पधेरोमा
या भेट्न सक्छ उसले
तल्लाघरकी बिजुलीलाई
बुधबारे हाटमा.
बरू सारी र मिठाइ
थुप्रैलाई किनी दिन सक्छ उसले
धेरै नव यौवनालाई प्रलोभन बाड्न सक्छ उसले
अनि निर्दोष कोपिलालालाई
एक पछि अनेक प्रपंच रचेर
रातारात सिमाना कटाउन सक्छ उसले .
प्रेमा..!
प्रेम कैले क्रय बिक्रय हुदै होइन
प्रेम टाढीने र कुल्चने चिज होइन
उ जस्ता नारीका दुश्मनहरू
उ जस्ता प्रेमका पिसाचहरू
तिम्रो मुटूमा बसेको नाटक गर्न सक्छन्
तिमिलाई सपनामा देखेको भन्न सक्छन्.
यसैले
ब्युझ प्रेमा ..!
भाबुकता रुपी गहिरो निद्राबाट
सचेत होउ प्रेमा ..!!
चन्चलताको चुन्गुल्बाट
के थाहा तिम्रो एक मुस्कान
तिम्रो अन्धकारको साम्राज्य बन्न सक्छ
के थाहा तिम्रो निर्दोष समर्पण
तिमीलाई जिन्दगीभर कोठीमा सजाउन सक्छ .
सत्ते प्रेमा ..!
तिम्रो प्रेम कहिँ लेखिएको छैन
उसको मुटुको पानामा पनि
उसको साझ बिहानको दिन चर्यामा पनि .
अस्तु :
दमक ,झापा