कोमल श्रेष्ठ मल्ल – मलामी त हुन्छ ??
तिम्रो कन्जुसी देखेर
के दंग हुनु मृत्यु ?
कहाँबाट लेख्न शुरु गरुँ
र अन्त गरु ?
यो बिन्दुको कुरा ।
न तौलन सकिन्छ
न जाँच्न सकिन्छ
न भाँच्न सकिन्छ
न साँच्न सकिन्छ
न मास्न सकिन्छ
अनन्त अनन्त
घाटहरुमा
चिहानहरुमा
चिताहरुमा
अज्ञात रहस्यको
बिजय उत्सव चलिरहन्छ ???
उस्को उत्सवमा !!
आँशु त हुन्छ ?
पीडा त हुन्छ ?
पानी त हुन्छ ?
खरानी त हुन्छ
मात्र बाँकी फिर्तीमा
मलामी त हुन्छ !!!!