केदार श्रेष्ठ‘गगन’ – हाँस्दा बोल्दा
नगरे’नि माया मलाई, हाँस्दा बोल्दा हुन्छ
किन राख्नु पीडा मनमा ,ब्यथा खोल्दा हुन्छ ।
दिनमा रोए पनि जून,रातमा हाँस्ने गर्छ
वादलसँग आकाशमा प्रीति गाँस्ने गर्छ
हाँसे,बोले पीडा पग्ली मन हल्का हुन्छ
किन राख्नु पीडा मनमा ,ब्यथा खोल्दा हुन्छ ।
फूल हेर वाधा पन्छाइ सधैँ फुलिदिन्छ
काडाँहरु बिचमा पनि सधैँ हाँसी दिन्छ
मन भए मेरो मनमा, तिमी डुल्दा हुन्छ
किन राख्नु पीडा मनमा,ब्यथा खोल्दा हुन्छ ।
–केदार श्रेष्ठ‘गगन’
भीमस्थान–५,सिन्धुली
हाल–यू.ए.ई.