शरु भुटिया – उसले केही गर्न सकेन होला
भीडमा थियो ऊ
खुलेर रुन सकेन होला,
मलाई बिश्वास छ
कि ऊ एकपल पनि
सुत्न सकेन होला
त्यो मान्छे
जसलाई बुझ्न
मलाई
पुरै उमेर लाग्यो,
बिछोडिएर मसँग
अरु कसैको
हुन सकेन होला
कामेका हातहरु
कमजोर
धागो सासको,
त्यो सुकेको फूल
उन्न सकेन होला
धेरै उजाड थियो
गहिराइ
उसको आंखाको,
त्यो आंसुले छाती
भिजाउन सकेन होला
मेरो लागि ऊ
सबै सुख सयल
छोडेर आउँथ्यो ,
मलाई बिश्वास छ
उसले यो गर्न सकेन होला ।
रचना समय :- ५ जूलाई २०१०