हेरौली र कुरौली
सानी बैनी फुरौली
एकै छिन बसौली
सानी बैनी फुरौली
त्रि्रो पालो आ’छैन
आएपछि खेलौली
बुर्लुक्क बुर्लुक्क उफ्रौली
सानी बैनी फुरौली
पुग्यो, डोरी नखेल्ने
अब अर्को के खेल्ने –
चुङ्गी, गट्टा नखेल्ने
अब अर्को के खेल्ने –
“भाग्यो भाग्यो, लखेट्यो
भेट्यो भेट्यो, समात्यो”
दौडी भेट्टाइ खेलौली
सानी बैनी फुरौली
लुच्चो बन्न पाइँदैन
झेली गर्न पाइँदैन
धक्का दिन पाइँदैन
छिर्की लाउन पाइँदैन
मिली खेल, जितौली
सानी बैनी फुरौली
डिलमा नजाऊ, लडौली
सानी बैनी फुरौली ।