विवेक दुलाल क्षेत्री “दमक” – खराब मानिस खुब (गजल)
खराब मानिस खुब चिल्लो घस्छ भन्छन्
घिर्णा गरिनेसित नै माया बस्छ भन्छन्
आधुनिक न्युटनहरू पनि कस्ता कस्ता
भकुण्डो पृथ्वीबाट आकाशमा खस्छ भन्छन्
नामै नलेउ ती धुम्रकेतुहरूको यतिखेर
शुर्य त साझै नपरी भट्टीतिर पस्छ भन्छन्
रत्ति ,रम्भा ,त्रिलोत्तमा सुन्दरी एक्से एक
तर तिनको बुद्दी स्रीन्गारले डस्छ भन्छन्
डुल्नु हुन्न रे कैले पनि शहर ,बजार
यो “विवेक “लाइ महँगीले कस्छ भन्छन्