१
एउटा तारा हो
टाढा भए शीतल
र नजिक भए गर्मी दिन्छ ।
२
देउताहरू स्वर्ग जाँदा
छाडेको एउटा नासो ।
३
सुनको जलप लगाएको
बन्धकी राखिएको
एक पित्तले औंठी ।
४
फूल जो आफू अनि
अरु पनि जन्मिएको
अनुभव गर्दछ ।
५
हृदय
जो न्याउलीझैं बास्छ
र झरनाझै बग्छ ।
६
त्यो वस्तु
जो उमेरले चिनाउँछ
अनि एकान्त मन पराउँछ ।
७
एउटा देउराली
कसैले टेक्छन्
कसैले ढोग्छन् ।
८
चलचित्रमा अनुमान गरिएझैं
उही दोहोरिने कथा ।
९
यताबाट हेरे बादल
उताबाट हेरे इन्द्रेनी
यो घामपानीको खेल ।