नारायणदत्त शास्त्री – देशलाई नबिसौँ
(मधुपर्क जेठ, २०६९)
हामी सक्छौँ वरपर डुलौँ, ज्ञान विज्ञान खोजौँ
शिक्षा-दीक्षा हितकर हुने भावना स्वच्छ रोजौँ
हामी हाम्रो मुलुकभरको दुःख देखी नतर्सौँ
छाडौँ अल्छी, कुनियत सबै देशलाई नबिर्सौँ ।
हेरौँ हाम्रा नजर भरका उच्च आदर्श देश
हामी लागौँ प्रगति पथमा बन्छ नेपाल बेस
स्वार्थी नेतागण किन भए ? मात्र तीदेखि तर्सौँ
ज्यानै अर्पौँ तर पनि कठै ! देशलाई नबिर्सौँ ।
जे जे पर्ला ! अब अघि बढौँ, क्रान्तिदेखि नतसौर्ँ
मौका हेर्दै, गतिविधि बुझौँ, देशलाई नबिर्सौँ ।
खोजौँ आˆनो हक, बिहकमा भित्रभित्रै नपिल्सौँ
प्राणै त्यागौँ तर पनि यहाँ, देशलाई नबिर्सौँ ।
– चुँदीरम्घा, तनहूँ ।