भन कस्तो परिचय दिउँ, छद्म दिउँ कि यथार्थता?
जस्तो पनि बन्न सक्नु, यहि हो मेरो वास्तविकता
अमिर घरको साहब भनौं, या त जे हुँ उही सही?
छेपारो झैं रंग फेर्नु, यहि हो मेरो वास्तविकता
शहरको लाउके बनौ, या त गाउँको शरल युवा?
जता मल्खु उतै ढल्नु,यहि हो मेरो वास्तविकता
नेतासंग नाम जोडौं कि, कि त जनता जनार्दन ?
जसो पनि भन्न सक्नु,यहि हो मेरो वास्तविकता
गहिराईमा डुबी दिउँकी,बोक्रो बोक्रै तरी रहुँ?
जस्तो पनि गर्न सक्नु,यहि हो मेरो वास्तविकता!!!