गोपाल कवाली – पृथिबीका भए जस्तै
पृथिबीका भए जस्तै, तिम्रा पनि तह छन् कि?
ज्वालामुखी उम्ले जस्ता, ताजा ताता बह छन् कि?
कोहि खोज कतै पोख,गुम्सिएका लाभाहरु
सागर भन्दा ठुला गहिरा,सेलाउने दह छन् कि?
छद्म रुपमा पछि लाग्छन,झुठो मुद्दा लाग्न सक्छ
भाला रोप्दा नरसाउने,कठोर ज्याद्रा गह छन् कि?
अथाह यो ब्रह्माण्डमा, ईच्छा भिन्न अनन्त छन्
सामान्यमा पृथक प्रवल,बिशाल कुनै चाह छन् कि ?
कर्म तिम्रो फल तिम्लाई,भोग भाग्य आफ्नो-आफ्नो
निरश विगतले पोल्ने,लुकाएका डाह छन् कि ?
आज भन्छु भोलि भन्छु, भाका सर्दो भयो सदा
आज सम्म नकहेका,बातै भरि सह छन् कि?
अफगानिस्तान,२६/०१/२०१३