दीपेन्द्र अपजसी – शुभकामना !
केही पछाडिएको दीर्घामा वसेर
धेरै आत्मीय, आदरणीयजनहरुको
शुभकामना, सदभावना, हार्दिकता
बोकीसकेपछि,
बिजुलीका तरँगहरुबाट
फोन, इमेल र फेसबुकहरुमा
तपाईहरुका मधुर आँकाक्षाहरुबाट
नयाँ बर्ष शुरु गरिसकेपछि,
म पनि चाहन्छु –
आउँदो बर्षको फूलवारीमा
एकजोर मनमोहकताका वेर्ना रोप्न
जो तपाईका जीन्दगीमा
सुगन्धका अक्सिजन दिन सकुन,
र फेर्न चाहन्छु
एक जोर पुराना व्याट्रीहरु
पुराना बर्षहरुका,
जो चिर्न सकुन
नयाँ वर्षका अँध्याराहरु
शुभकामनाका प्रकाशहरुले ।
नयाँ वर्ष २०१३, बागलुङ, हाल ओस्टण्डे बेल्जियम ।