विवेक दुलाल क्षेत्री “दमक” – रहरको लागि रहर (गजल)
रहरको लागि रहर पालेर के काम
आफूसग भएको खुशी बालेर के काम
प्रपंचको आवरणमा लुट छ सर्वत्र
जो देखियो एक एक गरी टालेर के काम
जो कोहीलाई कहा मिल्छ र प्रेम विरासत
विछिप्त सिउदोमा सिन्दुर गालेर के काम
पैसा कमाउन रहर कस्लाइ हुन्न र
तर कालो धन अगालो हालेर के काम
उस्को हत्या भो -”स्कुल सट्टा मन्दिर बनाएँन रे ”
अब हर आस्थाको धरोहर ढालेर के काम
नहिडेको बाटो हिड्न मन लागेको छ मलाइ
विवेकले अमुल्य समय फालेर के काम.
अस्तु
दमक ,झापा