मृत्युपर्वत
हिमयुगदेखि हिमयुगसम्म
आफ्नै भारले नुहेका चुलीहरु
साइवरयुगीन महाभारत रच्दैछन्
अन् लाइन च्याट्का हिमावर्तनहरु
नियति सञ्जालग्रस्त छन्
चतुर्थ महाकल्पका आविर्भावहरुदेखि
किन मानवता एक अन्त्यहीन युद्धमा
होमिएको छ ?
हेर ! हेर ! जीवाष्महरु
वटिकाष्म उपकरण बोकी डायनासोरस र
महागजहरुको सिकार गर्दैछन्
ब्रिडिङ वल ः अभिलक्षित राज्योत्पति सिद्धान्तहरु
इतिवृत्तमा हराएका छन्
विकसित वन्यजीवन प्रजातिहरु
कुन भष्मासुर अहंकारमा व्यस्त छन् ?
युगीन पासो ः जिन्दगीका युद्धयात्राहरु
रेनेसाँ मनका अनेक धुमकेतुहरु छन्
शान्ति कहाँ छ ? भए जीवाणु÷विषाणुहरुको दुनियाँमा छ
माउन्ट फुजीदेखि किलिमाञ्जरोसम्म
खतरामा परेका जीवहरु छन्
आह ! खतरामा परेका ईश्वरहरु
अझैपनि ईश्वरहरु जन्माइरहेछन्
आउ, फराउनका पिरामिडहरु हेरौं
एथेन्सका पार्थिनोनहरु घुमौं
दासविद्रोहका लाभाहरु पिऔं
अनि ग्लेडियटर भई रोमको कोलोजियममा
एउटा वर्वर मृत्यु मरौं ….
आह ! धर्मयुद्धहरु
चीनको महान पर्खाल कहाँ छ
सिवाय मान्छेको मनमा ?
Category: Sarubhakta
Sarubhakta – Ishwar Ballav Ka Aama Harule Atmahatya Garchhan
सुकुटीभेडाः चिलाएका गर्दनहरु
घिन्टीका माला उनेर हिड्छन्
जीवन सम्वेदना – त्यो राक्षसहरुको वस्तीमा
कहाँ हुन्छ ?
वन्द असिलेशनः टुकुचामा डुवेका धरहराहरु
तेत्सिमोकाई – स्वः ममीकरण वाँचेका छन्
शान्त जलका अशान्त गैंडाहरु
कर्मापाहरुको सिकार खेल्दैछन्
दुम्सीकाँडा सौन्दर्यः अनवरत् सृष्टि व्रह्माण्डहरु
प्रणयका स्वार्थहरुमा
यौन सफलता विमुक्त छन्
ग्यालिलियो – मनका टोड्काहरुमा
रातका आँखाहरु उँघेका छन्
वन्यजीवनः वालुवामन्तिरका विश्वहरु
मृत्युका खेलहरु मञ्चित छन्
नेता जीन – वचेरा भोक
आजभोलि हामी देश भाड्ने राष्ट्रिय
मेलमिलामा ब्यस्त छौं
इन्क्राइप्टेडः हारमोन्सका गीतहरु
अरोरा – ध्रूवीय प्रकाशमोह संरचित छन्
देशमा रगतको खोला बगेको छ
जाऊँ, विदेशतिर दोहोरी खेलौं
त्रासदीगाथाः एक असामयिक प्रश्न
‘देश कस्ले विगा¥यो ?’
ईश्वरवल्लभका आमाहरु आत्महत्या गर्छन्
पोइलो जाँदैनन्
उफ् !देश आमा हुन्
हामीमध्य को को विरुपाक्ष होइनौं
हाँ ?
Sarubhakta – Kathghara Ko Mrityudanda
गौंडा कुरेर
धनधान्याञ्जल महायज्ञ यात्राहरुमा
स्याल आक्रमण हुँदा
केही सुराकीहरु
इहलौकिक सब वेहसमा वेचिरहेछन्
स्वास्थ्यवर्धक च्यवनप्रासहरु
शिलालेख हेर अभिलेख हेर
विज्ञप्तिकालीन कैफियत प्रतिवेदनमा मात्र
कुद्दैनन् गाजापट्टीतिर
इजरायली ट्याङ्क आतङ्कहरु
प्रपञ्चातीत
गुरुकुलीय अध्यवसायहरुमा
कहाँ हराए लाभाताल सिद्धान्त ज्योतिषाचार्यहरु ?
सिस्नेरी झ्याङ
ल्याण्डफिल्ड साइटका रानीमहलहरु
आउ, गिनिसवुकका प्रति बोकेर
पुस्तैनी जीन हस्तान्तरणका
बम्पर खेलौं
क्रम विकास
सुख्खा आँखाका वर्षात्हरु
हामी एनेस्टेशियामा फर्जी मुठभेदका
इतिहासहरु रच्दैछौं
ओनियोमेनिया
हामी जलघोडाहरुमा काठी कस्दैछौ
अब कस्ले भन्न सक्दैन
हामी कठघराको मृत्युदण्ड भोग्दैछौं !
Sarubhakta – Jalammya Dharti Ra Sikar Kavita
पुनरावृत्त सिसिफसका पुराकथाहरु
खप्पडहरुको पहाड चढेर
साइवरेश्वर इन्टरनेटका दानवहरु खेलाउँछ
शालिग्रामछाप
चिसो मरुभूमिका ताता सपनाहरु
गलैचाका फुलहरु फुलेर
आह ! म जिन्दगीका हिउँदहरुद्वारा लखेटिन्छु
चिप्लेकिरो Continue reading “Sarubhakta – Jalammya Dharti Ra Sikar Kavita”
Sarubhakta – Joon Ko Krandan
कुहिरेयात्राः उल्टो घुमेका पाङ्ग्राहरु
प्लाष्टिकका पालमुनि वसेर हामी
गगनचुम्वी भवनहरुको पोष्टर हेर्दैछौं
नेपथ्य युद्धहरुः प्रदक्षिणा विम्वहरु टिपेर
शीतलहरीय ढोलपिटाई अभियानमा जुटेका छन्
खोई कहाँ के गर्दैछन् परा–संभाषणयुक्त
नेपाली तालिवानहरु ?
‘पोभर्टी म्यापिङ – गरीवीमापन नक्सामा
हामी कति धनी छौं ?’
यन्त्र मानवहरुको वस्तीमा भूमिगत सुप्रिमोहरु
कुरा गर्दैछन्
आह ! सप्रसङ्ग शून्यतावोध
मसित सपनाहरु दुखेको मन छ
फोसिल मायाः मुर्कट्टा विश्वासहरु
खोई कता लागे जीउँदा जीवाष्महरु
रेडकर्नर नोटिस पढ्दै ?
माकुराबजारः डिस्कोथेक
युद्धविराम युद्धहरुमा
रेडलाइट एरियाका धर्मशास्त्रहरु
उप्m ! कसरी जन्मदैछन् जिलेटीन कोच्चिएका गिदीहरुबाट
क्लोनिङ शिशुहरुको अधोपिढी
रिक्त ओदानः खुदुनावारी शिविरहरु
अन्तहीन दुष्चक्रहरु बोकेर
अद्यापि हामी भुरेटाकुरे–वाइसेचौवीसे टुक्राहरुमा
विभक्त छौं
जूनको क्रन्दनः औंसीका रातहरुसित
सप्रसङ्ग देशमा
कमैया गार्गीहरु वलात्कृत छन्
भिक्षु नावातामेहरु बुद्धको भूमिका मारिन्छन्
आह ! शबहरु शबपरीक्षा गर्दैनन्
प्रजातन्त्रमा टाउकाको मोल कति
टाउको टेकेका सगरमाथाहरु ?
Sarubhakta – Manchhe Bhaneko Gas Ho
ब्रह्माण्डमा महाविस्फोट छः देशमा
वमविष्फोट छ
पहाडहरुका मन
भैचालाका शान्तिहरु रोएका छन्
हेर ! हेर ! असनका साँढेहरु
फ्रायडका दुःस्वप्नहरुमा
यौनाङ्गवादी प्रेमरचना गर्दैछन्
डेथ जोनः खरपसकालीन मनस्थितिमा
चराहरु वसाइसराइ गर्दैछन्
दाँतेका दैवी सुखान्तहरु
परिवर्तित रेशम वाटाहरुभरि छन्
छानोमाथि विस्कुन सुकेको समय
वाटो–दोवाटो गिलेटीन र भूमिगत सुरुङका
सन्त्रास छन्
किन अदृश्य वायुमा वृथा फरफराइरहेछन्
प्रेयर फ्ल्याग – प्रार्थना झण्डाहरु ?
स्विमिङ सुट जनरेशनः फेरि एक्सिस
पावरका संघनन्हरु
अझै पनि मोनालिसाको मुस्कानमा अल्झेका छन्
मरन्च्याँसे सभ्यताहरु
आउ, कार्टुनहरुको नदीमा हाम्फालौ
अरुसित कुन्नी के–के छन्
हामीसित मैलाका सुनखानीहरु छन्
मकैका सुलीः सहस्र दूधका मुन्टाहरु
थुक्क ! प्रकृतिवेदनामा सन्तानोत्पादनका
कुरीकुरी खेलहरु
‘शरणार्थी देवताहरु फिर्ता आ ! आक्रमणकारी
दैत्यहरु फिर्ता जा !
ह्रासोन्मुख उचाइ – विश्व उचाइ मापनमा
हामी लिलिपुटका मान्छेहरुभन्दा होंचा भइसकेका छौं
जिन्दगीमा केही गर्न सकिएन ? त्यसोभए
नाङ्गै हिडौं !
हेर आफ्नै मनका जाँतोमा पिल्सिएर
धुलो वनेका छन् सपनाहरु
न ठोस न तरलः मान्छे भनेको ग्याँस हो
यसर्थ नतर्साउ, वुख्याँचाहरु वुख्याँचाहरुलाई
तर्साउन सक्दैनन् !
Sarubhakta – Taapu
समय सरिसृप
रगतका हिसावहरु माग्दै
बाँदरका पहाड उक्लिरहन्छन्
नर्कटका घारीहरु
द्विविधाग्रस्त हुन्छन्
जुल्स वर्नका क्याप्सुलहरुमा
ठेगाना हराएको जिन्दगीमा
सुव्बाप्रजा र टिकामायाहरु
नाइटभिजन हेर्दै
मुक्तिका गिठ्ठा भ्याकुर खान्छन्
पेटहरु पैरवीमा छन्
खोई कहाँ हराए अपेक्षाका
सिबाकथ्रोनहरु ?
रडारको परिवृत्तभरि
उडिरहेछन् एम.आई २४ हेलिकप्टरहरु
सफ्टवेयरमा रेन्डियरका शिकार खेल्दै
तेस्रो पुस्ता – मोवाइल फोनका डाइनासोरहरु
टाइटानिक यात्रा गर्छन्
अनन्त लिङ्गेश्वरहरुको देश
करोनरी एन्जियोग्राफीमा किन रुन्छन्
अभिग्नोनका युवतीहरु ?
आह ! शान्तिका युद्धवन्दी छन्
वाघ भीमसिंहका सन्तानहरु
म कुन निर्जन टापुमा खोजुँ
म्यान्डेटका नेपापिटेकस् प्रजातिहरु ?
Sarubhakta – Parajiwi Atanka Ra Desh
आप्तकामः जीवनका कार्निवलहरु
पदार्थहरुको सम्वेदनामा
घडीको सुई रोपिएर
उल्कापातका “ऋत” जन्मन्छन्
अन्धो इतिहास
धृतराष्ट्रहरु जन्माउँछ
कार्निभोर – वहुला मान्छेका डायरीहरुमा
श्रापित पदचिन्हः पातलो हावाका उच्चताहरु
हिमयुगीन गाथाहरुमा
यतीका खुट्टाहरु टेकिएकाछन्
कङ्कालहरुको उत्खनन्ः विगलित मनका पहराहरु
मानवयन्त्र यन्त्रणाहरुमा
कम्प्यूटर चिप्स भावनाका आइसोटप्स
जमेका छन्
यूटोपियामा हराएका मान्छेहरु
धारिला क्षितिजहरु ओर्लन्छन्
खोई हिमालमा हराएका म्यालोरीहरु
अद्यापि इदी अमिनका भूतहरु
जिउँदैछन्
लाभा घडी जिन्दगी
एकछिन खुलेको आकाशजस्तो
समयको कोर्रा लागेर अचेत छन्
कार्टुन प्रजातन्त्र
पोखरीका हिमालहरु हल्लिएका छन्
उप्m ! के म अझै कार्टुनहरुकै देशमा छु ?
साइलेसस्वप्न ः सिनेमाई प्रेमम्यानियाहरु
परजीवी आतङ्कग्रस्त छन्
युगहरु काँचुली फेर्छन् तर किन फेरिदैनन्
मनुष्यताका विषाक्त दाँतहरु ?
सम्सुद्दीनहरु, नेपाल लुट्न नआए हुन्छ
आजभोलि हामी आफै आफ्नो देश लुट्न काफी छौं
वैकुण्ठेहरु, जाऊँ लिगलिगकोटतिर
इन्द्रजात्राहरु मदहोस छन् –
‘नक्या व्यू छ्वेला वजी अँ !’
आह ! अभागी हुन्छ त्यो देश
जहाँ कसैलाई देश दुख्दैन !
Sarubhakta – Akhet Parba
सर्पदंशित समय
मृत्युको जन्मदिन मनाउँदै छ
कफ्र्यू लागेका मनहरु
हत्याका कन्सर्टहरु सुन्दैछन्
सांग्रिलाभरि
राष्ट्रिय डाँकाहरु
मान्छेका विस्कुनहरु सुकाएर
वैकल्पिक देश खोज्दैछन्
ग्रहण लागेको वेला
प्रायश्चितमा Continue reading “Sarubhakta – Akhet Parba”
Sarubhakta – Trasadi Gatha
चिसो मरुभूमिमा
ध्वजावाहक काला जादुगरहरु
इन्क्युवेटरमा वालुवाका सपनाहरु
कोरल्दैछन्
अपधर्मका पैगम्वरहरु
कुहिरोको सुरुङभित्र पसेर
मरुद्यान – ओयसिस तृष्णाका पूmलहरु
फुलाउँदैछन्
ठिंगुराभित्र
वालुवाका Continue reading “Sarubhakta – Trasadi Gatha”
Sarubhakta – Mutu Dhadkine Dhunga Haruko Gaun
सरुभक्त – मुटु धडकिने ढुंगाहरुको गाउं
भुगोलमा नहराएको एउटा देश
र देशमा नहराएको एउटा गाउं
जब गाउंलेहरुका मन भित्र हराउंछ
उत्तरीय क्षितिजको पर्दा
खुलेर कहिले
हिउंका चिसा चिसा फूलहरु रुन्छन्
धुरु धुरु नरोउ भन्दै
छोंगों डांडांमा
पुर्खाका आत्माहरु भतभती पोल्दै
मलाई थहा छ
त्यता कतै हराएका छन्
अंधेरी खोलाका गीतहरु
लाटो कोसेरो झोक्रीएर
भर दिन भर रात
एउटा सानो गाउं
जहां घरहरु छन्
तर मान्छेहरु छैनन्
ए, कहां हराए
भएका घरका
नभएका जस्ता मान्छेहरु ?
ए, कहां हराए
नभएका जस्ता मान्छेका
भएको घरहरु ?
लेकाली हावा
आलु गांठो कस्ले पार्ने
अनि कस्ले सुन्ने
खरबारीको अजम्बरी व्यथाहरु
उफ! तामागी
मुटु धडकिने ढुगांहरुको
एउटा सुन्दर गाउं
तिमी सेतो छाला ओढी आउनेहरुका लागी
मात्र एउटा प्राचीन संग्रहालय नबनिदेऊ !
तिमी आफ्नो अस्तित्व बिर्सेर कहिल्यै पनि
आफैलाई जीवित लास नगनिदेऊ !
रचनास्थल: तामागी, २०५५
Sarubhakta – Naara
भ्यागुतोत्सव
सर्पखाने सर्पहरु
म्याग्नाकार्टा वोकेर हिडिरहेछन्
वालुवाका नदीहरुमा
शवगृहः पिटिसन अफ् राइट
राजा चाल्र्स – क्रमवेल नियतिका समीकरणहरु
छेपारोका रङ्ग समिश्रित
‘म नै राज्य हुँ !’ वुरबनवंशीय अहम्नादहरु
मेडम घाटा – रानी एन्टोनियटका वुर्जुवाई अज्ञानताहरु
‘पाउरोटी छैन भने केक खाउ
केक खाउ’
गिलेटीनका मुहानबाट जन्मन्छन् जिन्दगीका
रक्तिम इतिहासहरु
खोई नेपोलियनका उदयहरु ?
निमुखा बुद्धका सन्तााहरु, आउ
हिटलर जन्माऔं
पुनरावृत कोतपर्वहरु
यो कुरा स्वयंशिद्ध छ, मौका पाए
सबै नेपाली जङ्गबहादुर बन्छन् सबै जङ्गबहादुर
नेपाली बन्छन्
के आइ सिँह विद्रोहहरु
चार्लच्याप्लिन मार्काका हाँसोहरुमा डुब्छन्
ए, लौहपुरुषहरु ?
अजस्रधारा – लौहभष्महरुमा अनुदित छन्
आउ, कम्युटर रेसिङ क्याफेतिर जाऔं
क्रेडिट, अक्टोपस कार्ड किनेर
व्रेकिङ न्यूज ः दुनियाँ जलिरहेछ किन जेनहरु
ध्यान बस्दैछन् ?
टाइफुन नं आठ नेपाली वेश्याहरु सोध्छन्
नेपाली सज्जनहरुसित – ‘वोर्डरमा वस्नेहरुलाई सोध ’
‘हत्या गर अनि बाँच !’ सैतान देवताका सृष्टिहरु
आह ! सिलहट बुद्धका छाँयामन्तिर जंगली डिङ्गेहरु
शवगृहनिर्वाणमा लागेका छन्
महामूर्ख संगायनाः वुद्धिमानहरु कता भागे ?
जिन्दगीको अढाँट तथ्य रामनाम सत्य होइन
रावण नाम सत्य हो ।
हिमालहरुको देशः हिउँका कर्निसहरु चढौं
हाम्रो नारा छँदैछ – ‘राष्ट्रिय अराष्ट्रवाद !’
जिन्दावाद !
जिन्दावाद !
जिन्दावाद !
Sarubhakta – Bhitto
सम्प्रति यातनालय
खुम्बू हिमनदीका खरपसजाल
हुडिनीजात्राहरुमा हामीले पाएका छौ
आखेटोपहार – मुक्त कमैयाका
वन्धनहरु
क्यानोपीका नात्रेडयामसहरु
वधशालाका सिम्फोनीहरुमा
रगतका मूल्य किट्छन्
टटेरो – संविधानका खोस्टाहरु
सौसुरिया लाप्पाका धावाहरुमा
अवशोषित छन्
कोपरा उत्सवभरि
हुइयाँ गर्छन् आठपहरियाहरु
वन्दी सिधा खाएर
उत्प्रेषणको आदेश के छ ?
जलवनस्पतीय गृहिणीहरु धमाधम
पोतेमा झुण्डिएर आत्महत्या गर्दैछन्
रगतका अक्षरहरु
जातीय युद्ध भष्मासुरित छन्
खोई कस्लाई थाहा छ कहाँबाट
ओइरिए – अनन्त सहस्रार्जुनहरु ?
राष्ट्रिय सम्वत्सरमा
जहिलेपनि हामीसित अपहरित भित्तो छ
आह ! कहिलेसम्म रजाइ गर्नान्
नेपथ्यका माउसुलीहरु ?
Sarubhakta – Taarak Yuddha
सरुभक्त – तारक युद्ध
उत्सव
भुक्ने पदार्थहरु जंगली राग अलाप्दैछन्
खोई कहाँ हराए नाङ्गेझार
नियमापत्ति अनुचिन्तनहरु ?
ग्रेट मार्च – पशुहरुको महायात्रा
गोहीभोज चल्दैछ
ए सूक्ष्मजीव विश्वका स्थूल मान्छेहरु
परभक्षी सिंह÷वाघहरु दाँत माझ्दैनन्
माउथ ब्रिडिङः महेन्द्रगजहरु जन्मन्छन्
यसर्थ इतरपशु मान्छेहरु
गतिसीमा बढाउँछन्
स्काई थिएटरतिर
आह जिन्दगी ! मुल्तवीमा परेको छ
नभए ब्लफकलमा अडेको छ
क्रस फायरिङः हावाहरुको नृत्य
ए ! भ्रष्टाचारी हरिपाण्डेहरु के गर्दैछन् ?
सिंहदरवारः सार्वजनिक पागलखाना
कुर्सीमा छारेरोगीहरु बस्छन्
यसर्थ हाम्रो देशमा घटनाहरु घटित हुँदैनन्
दूर्घटनाहरु मात्र घटित हुन्छन्
पिट्यूटरी हराएका मस्तिष्कहरुः आन्दोलन गर्न सक्छन्
शान्ति, विकास र अमनचैन ल्याउन सक्दैनन्
ठाइला ! मनका अन्तरिक्षयानहरु हाम्रापनि छन् नि हौ
त्यसैले तारकयुद्ध गर्न जाऔं
धर्तीको नाभी तातै छ
के वस्नु यो आकाशमा खोई !
Sarubhakta – Deshemaru Desh
दूरभिसन्धिमा
रगतका लिपस्टिक लाएर
क्रूरहत्याका उद्योगहरु चलेका छन्
तुहिनाचलतिर
तुइनहरु
र खेलौनाका ग्लोवहरु
निहत्था शब्दहरुका वलि चढ्छन्
काण्डैकाण्डहरुको देश
पल्टनका घाउहरु कोट्याएर
डाँकाहरुको समाजप्रेम Continue reading “Sarubhakta – Deshemaru Desh”
Sarubhakta – Santras Ko Chhaya Mantira
समयभरि समयपीडा हुन्छ
जिन्दगी दूर्घटनाका अवतरणहरुमा
जुध्दै गर्दा÷मृत्यु आखेटकहरु
नृशंसयात्रामा निस्केका छन्
सागरमन्तिर छ जिन्दगी
त्यसैले धु्रवीय भालुहरु
ब्रिडिङ होल कुरी बसेका छन्
फ्याउफ्याउ प्याउराहरु
तर्सदै तर्साउने प्रयासमा जुटेका छन्
भ्यागुताहरुको स्वर्गमा
जोनबुलका चुस्कीलिदै हुर्किएका छन्
साँपहरु
हामी सम्वेदना हराएका मन वोकेर
प्लाष्टिकका घरहरु वनाउन सक्दैनौ
मुक्ताञ्चल ः स्वप्नदुस्वप्नका प्रतिच्छाँया छन्
कस्ले भन्दैछ ब्द्यऋ जीवनका
हिमउपत्यकातिर
‘न्हूदया भिन्तुना अलकायदा !’
एकीकरणवादी मनहरु
जाउँ आलु पार्टीमा
अनि केही समय बिर्सिदिउँ आफैलाई
जिन्दगी ः हराएको विम्वको खोजीझै
अनवरत् व्यग्रतामा पागल छ
सर्वत्र हेर, जिन्दगी काट्ने दर्जीहरु
कम्ब्याट परिधानमा सुसज्जित छन्
ए ! वजार बन्द छ कि खुला छ ?
बजारवासीहरुलाई थाहा छैन
यसर्थ आतङ्कगन्धले टोलाइरहेछन्
देशका रमजान र छठपर्वहरु
‘सुरक्षित को छ यो देशमा ?’
प्रश्न गर्छन् शरणार्थी मनहरु
आह ! म सन्त्रासको छाँयामन्तिर
सृष्टिको के वादल देख्दैछु ?
Sarubhakta – Yuddha Ra Shanti
यथावत संत्रंmमण
लामखुट्टे तुफान चलेको वेला
रोल्वालिङतिरका च्छो रोल्पाहरुमा
आइपुगेका छन् उड्ने प्याउराका
अन्तहीन वथानहरु
हत्याको फरमान जारी छ
यसर्थ गंगटाहरुको जुलुश निस्केको छ
जिन्दगीको मृत्यु शडकहरुमा
उः ! सलहहरुले धावा वोले
खोई कहाँ छन् च्वे ग्वेभेराका टाटु
पाखुरामा अङ्कित गरिहिड्ने
दूव्र्यसनी जन पुस्ताहरु ?
आजभोलि पशुहरु सर्कसमा
मान्छे नचाउँछन्
सुम्सुद्दीनहरु आएका छैनन् फिरङ्गीहरु आएका छैनन्
देश कस्को कब्जामा छ ?
देशवासीहरुलाई थाहा छैन
गाउँमा हावा चल्दैनन् गोली चल्छन्
काहुलेवासी बाबुआमाहरु रुवावासी गर्छन
देवताहरुको मृत्युमा
‘धुमकेतु ÷ पुच्छ«्रेताराहरुको उपस्थितिले
देशमा धनजनको क्षति’
आह ! नेताहरुद्वारा मोहभङ्ग जनताहरु
ज्योतिषीहरुका शरणमा छन्
हामी वीरमात्र छैनौं बुद्धिमानपनि छौं
यसर्थ संविधानका एक एक धारामा
मत वजाउन समर्थ छौं
युद्धका इतिहास धेरै लेखिए …
अब कहिलेदेखि शान्तिको इतिहास लेखिने हो ?
Sarubhakta – Tapubaas
पीडाभूगोलः जीवनका अनन्त विस्फोटनहरु
विसंगतिका संगति लिएर
एक अराजक वादलयात्रा गर्छन्
मृत्युमानवहरुको जीवनझैं
गैडाको छाला ओडेर
हामी कुनै वृहत षडयन्त्रहरुको जंगलतिर प्रस्थित छौं ?
गुरेवाघ र इन्टरपोलका Continue reading “Sarubhakta – Tapubaas”
Sarubhakta – Itar Yudda Morcha Haru
उभिण्डो टोपी लाएर
निर्वस्त्र शान्ति
रेसकोर्टका घोडाहरुझैं दगुरे
खोई, क्रयाक्पट् वुद्धहरु कता लागे ?
गडम्यानहरु
सैतानहरुका वस्तीमा छन्
हिजो हामीले प्रेमदिवस मनायौं आज
घृणादिवस मनाउँदैछौं
‘गोली ठोक्नु पर्छ त्यस्तो कविलाई !’
युगकविको युगीन वाणी हो
चरमराएका मानवविकास परिसूचकांकमा
खोई कविता कहाँ छ ?
कम्प्युटर भिजनसिन्डोम ः हामी अनलाइन
पूजामा ब्यस्त छौं
यतिखेर तुरुप हराएका जुवाडेहरु
बिरामीहरुको मौन जुलुशमा सामेल छन्
शरणार्थी देश कहाँ छ ? हृदयमा कि भूमिमा ?
आह ! शान्ति क्षेत्र नेपालमा जहिलेपनि
शान्तिवार्ताको हल्ला छ
अन्तहीन यक्षप्रश्न ः केराउवारीका सामुहिक वलात्कारहरु
हेर ! हेर ! इतिहासका झ्याक्रे अधिनायकवादीहरु
बहुरुपी नाच नाच्दैछन्
हामी कहाँ छौं ? भग्नावशेषहरुको भग्नावशेषहरुमा छौं
यसर्थ जिन्दगीका खरखडाइहरु
ग्वेवेलियन शैलीमा वेपत्ता छन्
आउ, आत्माहरुको क्लोनिङ गरौं !
कारण उता डोलीमरिछ यता हामी
स्वस्थानी व्रतकथा सुन्दैछौं
धडपकड जारी छ
धरपकड जारी छ …
अझैपनि टेरेन्टुलाहरु काशीवास गएका छैनन्
पशुवधशाला त्यहाँ छ, मानववधशाला सर्वत्र छ
आह ! यहाँ कोही गड्यौला खेती गर्दैछन्
कोही शहीद खेती गर्दैछन्
एत्तेरिलै ! गरीवीमापन गर्ने हो ? शमृद्धि मापन गरे हुन्न ?
‘आयो गोर्खाली !’ आजभोलि इतरयुद्धमोर्चाहरुमा
सर्वत्र चौकिदारीका माग वढेका छन्
ए, रुखचढ्ने गँगटाहरु !
हाम्रा देशवासीहरु के गर्दैछन्
गाँजा नभित्र्याएर ?
Sarubhakta – Suchi
सिकारी हावाः प्यारापिटमा उभिएका जुलुशहरु
किचकवधका पूनरावृत्तिहरु हेर्दैछन्
खरायो वर्षभरि
सफाया अभियान चलेको छ
वेलुनको पृथ्वी
स्लोथगतिमा घुमेको छ
हामी कृषकामा आत्माहरु
चमेरा फल्ने रुखहरु मन्तिर चिडियाखानामा
खैनीखाने वाघहरु हेर्दैछौं
उ ! विधवाहरुको जुलुश
लोग्नेमरेको सुशोभन तक्मा विभुषित छन्
समय आधातित भ्रुणपरीक्षण – प्रत्येक दिन
सिमोन दी वुआहरु आत्मघातित छन्
युद्ध सहस्राब्दी र अकालवुद्धहरु
लासहरुमा सूचिकृत छन्
आउ, यूरो डलरका मुण्डमालाहरु भिरेर
च्याउवमहरुको खेती गरौं
प्रोफाइलहरुमा बन्द जिन्दगी
लोडसेडिङ्ग प्रेमका वाढीहरुमा वग्छन्
सवै भन्छन् हृदय विशाल हुनु पर्छ
त्यसैले आऊ, भैंसीका हृदय प्रत्यारोपण गरौं
ए ! पानखाने बूढाहरु कता लागे ?
आजभोलि सर्वत्र अहंकारका ज्वालामुखीमा
लाभाका पानहरु बेचिन्छन्
विचारहरुको दासत्वः अव हामी दासप्रथाबाट
आत्मदासप्रथातर्फ उन्मुख छौं
देशधर्तीभरि तुफान छ ? त्यसो भए आऊ,
मनचिन्ते विमानमा पर्वतीय उडान भरौं
प्रत्येक मान्छे एक जैविक हतियार हो
ए ! यो पशुपतिनाथको देश हो
यहाँ मान्छे पाइदैनन् ?