नेपाली कविता को बिशाल संग्रह
दिनेश चापागाईं – दसैँ २०६८: पाँच हाइकुहरू
भिड बजार
लुगा जुत्ता किन्ने कि?
प्वाल खल्तीमा ।१।
स्वच्छ आकाश
चङ्गा चैट गर्ने कि?
झर्यो भुईँमा ।२।
रित्तो सडक
तास जुवा खेल्ने कि?
फुली स्वास्नीको ।३।
हरियो बाँस
पिङ मच्चाउने कि?
अस्पतालैमा ।४।
रसिलो घाम
जिब्रो फट्कार्ने कि?
बोकाको आँसु ।५।
दिनेश चापागाञी – चैते काठमाण्डौं: ५ हाइकुहरू
फागुको दिन,
रङ्गिन हल्लाहरू –
मुसो एक्लो म !
क्याफेरिनामा,
फूल काँडाको हाँसो –
हिमाल मौन !
हावा हुरीमा,
बच्चा हुर्क्याएको थ्यो –
उडेर गयो !
शब्दको वर्षा,
बेमौसमी फूल झैं –
घण्टको रण्को !
सारौँको हुल,
बिस्कुन सुकाएको –
एक्लो परेवी !
दिनेश चापागाञी – बर्षा यामका पाँच हाइकुहरू
पिन्चे आकास
पारिजात झरेछ –
खोई त प्रभु ? ।१।
असारे झरी
कमिलाका लहर,
नागको भोटो।।२।
भिजेको घाम-
आँखा तरी स्वयम्भू
मागिरहेछ।।३।
झरीको वेला-
मान्छेले Continue reading “Dinesh Chapagain – Barsha Yam Ka Panch Haiku Haru”
दिनेश चापागाञी – ११ मार्च महा-भुकम्प: ५ हाइकुहरू
पिङ मच्चिँदा,
धर्ती फाट्यो, देख्यौ?
अनुशासित यी।१।
पिङ मच्चिँदा,
सागर उर्ल्यो, देख्यौ?
स्वाभिमानी यी।२।
पिङ मच्चिँदा,
आगो दन्क्यो, देख्यौ?
शान्तिप्रिय यी।३।
पिङ मच्चिँदा,
विकिरण फैल्यो, देख्यौ?
कर्मनिष्ठ यी।४।
पिङ मच्चिँदा,
शून्यता छायो, देख्यौ?
सूर्य मौन छ।५।
(Sent to Sanjaal Corps via Email)
दिनेश चापागाञी- ऋषिकेश: पाँच हाइकुहरू
चिसो बिहानी,
विष्णुसहस्र नाम —
वानप्रस्थमा ।१।
छड्के घाम,
झिलिमिली तारा झैँ —
हरियो गङ्गा ।२।
सुक्खा बतास,
योग योगी र ध्यान —
चिसो बालुवा ।३।
गोधूलि Continue reading “Dinesh Chapagain – Rishikesh : Panch Haiku Haru”
दिनेश चापागाईं – संतृप्तताका ५ हाइकुहरू
पूर्णताभित्र,
रिक्तता भेट्टाउॅदा-
स़़ंतृप्तता छ ।१।
आँखा र जिब्रो,
नाक, कान र छाला-
अनि शून्य छ ।२।
खाली आकास,
केही नभए जस्तो-
संसार नै छ ।३।
जंगल भित्र,
रुखहरूको माझ-
पात पूर्ण छ ।४।
रिक्तताभित्र,
पूर्णता भेट्टाउॅदा-
संतृप्तता छ ।५।