ॠतु आसीक – दूर्योधनका सहोदरहरू
दूर्योधनका र उसका सहोदरहरू
यसबेला पीडा पस्किरहेकाछन् |
कहिले कपिलवस्तु
कहिले सिराहा र सप्तरीका
ढाड र अंगहरुमा
कहिले कालजयी वस्तीहरुमा
भैयाहरु फेरी पनि
गौर वाल्झाउने तयारीमा छन् |
२३औ प्रान्तका संवाहक
घरमा नाग र कुश टाँसी रहेकाछन् |
तिनीहरु हातहरुमा
जवर्जस्ती नै भए पनि
दानावधु वानिरहेका छन् |
केही भेटीमा
केही लोभ र सन्त्रासमा
आफूलाई त्वम शरणं गरिरहेका छन् |
जताततै आगो वालेर
नुनको सोझो गरिरहेका छन् |
घर न घाट भएको दूर्योधन
वस्ती -वस्तीमा पसेर
फेरी पनि महाभारतको ब्यूह रचना गरिरहेको छन् |