कोमल श्रेष्ठ मल्ल – मेरो याद
मेरो याद छाती भरी बगाएर नबस है
मेरो प्यार मुटु भरी सजाएर नबस है
हिजोआज अर्कैको म भइसके माफ गर
विश्वासको दियो बाली हृदय त्यो साफ गर
किन भन्छौ मेरो रूप बषन्तको बहार जस्तो
नचिनेर नबुझेर नगर है विश्वास त्यस्तो
बिनासित्तै रहरलाई नपाल है म भनेर
त्यसै त्यसै जीवनलाई नफाल है म भनेर
लाग्यो भने कालो दाग मेटाउन गाह्रो हुन्छ
पराइको नासो अब कहाँ त्यसै प्यारो हुन्छ
आफुआफै आफनो बाटो पछ्याएर हिडने गर
मनलाई फकाएर खुसी खुसी जिउने गर