शरण आँसु – मनको दियो बालेर हेरे माटो चिनिन्छ
मनको दियो बालेर हेरे माटो चिनिन्छ
मनकै मैलो फालेर हेरे माटो चिनिन्छ !
कुतर्कहरुका तानाबाना बुन्न छाडेर
ससाना काम थालेर हेरे माटो चिनिन्छ !
माटो नै धरोहर हो सबै मनहरुको
मनमा मायाँ पालेर हेरे माटो चिनिन्छ !
इमानजमान, स्वाभिमान साक्षी राखेर
माटैमा हात ह़ालेर हेरे माटो चिनिन्छ !
यै माटोले बनेकी – नेपाल हाम्री आमा
आमाको चोली टालेर हेरे माटो चिनिन्छ !