सामर्थ्य – इजलास
अनियन्त्रित भइ
मेरा गोडा पैतालाहरुले
केवल
चप्पलका फित्ता फेर्न
चाहेकाले
एच डी स्वप्निल
दुनियाँमा
आँखाहरुले थ्री डि सपना
चाहेकाले
छोरीको नेलपोलिश अनि
छोरोको पेन्सिल मेट्ने
इरेजरका निम्ति
केवल टेबुल तल हात
फिँजाएको न हुँ,
दाताहरुले दिन्छन् त के
गरुँ
श्रीमान्
म बिल्कुल निर्दोष छु
अस्तिमात्र,
ठीक अस्तिमात्र
बिटक्वाइन नराम्ररी
घटेको छ,
ट्रम्पनीतिले विक्षुप्त
मगजलाई
तिम्रो वृद्ध भत्ताले
गिज्याइरहन्छ,
शेयरबजारले
अत्याइरहन्छ,
समाज आलाप गर्दछ कि
घरअगाडिको गुम्बज पनि
भुइचालोले भत्काइरहन्छ,
यस्तो अवस्थामा
देशको निम्ति,
समाजको निम्ति,
अग्रजको निम्ति,
गुम्बजको निम्ति,
केही गरुँ गरुँ झैँ लाग्छ
योभन्दा बर्ता केही
लाग्दैन,
लगाव भन्ने कुरा ठीक
पनि
होइन
र त यदाकदा
शुभचिन्तकहरुमार
्फत
पसिनाको मूल्य माग्ने
गरेको हुँ,
दिनेले दिन्छन् त के गरुँ
श्रीमान
म बिल्कुल निर्दोष छु
यसरी नै
एक युग बितिसक्यो,
एवम् प्रकारले चप्पलका
फित्ताहरु
चाहनाहरु
गुम्बजका भित्ताहरु
बहानाहरु बनेका हैनन्
श्रीमान्,
फेरिँदा कुर्सीहरु,
अभिरुचिहरु,
केवल पैसाको स्वाद
फेरेको मात्र हुँ,
कठघराको यो घडीमा
जे बोल्छु सत्य बोल्छु,
दिनेहरुले दिन्छन् त के
गरुँ,
श्रीमान
म बिल्कुल निर्दोष छु ।
-सामर्थ्य(बिशव पोखरेल)